Plantun de Prouvènço

Pèr coumpara dos planto d'encò nostre

Limonium bellidifolium & Poterium verrucosum

Limonium bellidifolium

Plumbaginaceae

Nom en français : Limonium à feuilles de pâquerette.

Descripcioun :
Aquesto saladello fai de mato au sòu d'ounte parton de cambo flourido. Li bratèio di flour soun escariouso e pas verdo eici. Coume lou noum lou dis, li fueio dounon d'èr à-n-aquéli de la margarideto. S'atrobo souvènt coutrìo l'engano-bouisounouso, Sarcocornia fruticosa. La planto èi marcado sus listo roujo categourìo CR, valènt-à-dire en dangié criti.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium bellidifolium (Gouan) Dumort., 1827

Pimpinello(-à-berrugo)

Poterium verrucosum

Rosaceae

Àutri noum : Armentalo-fèro, Freissineto.

Nom en français : Pimprenelle à fruits verruqueux.

Descripcioun :
Aquesto pimpinello-à-berrugo trachis dins la garrigo e li tepiero seco de nòsti colo. Sèmblo proun à la pimpenello, Poterium sanguisorba, mai es uno planto pu pichoto e li fueioun an de dènt mai prefoundo. Lou soulet biais segur de la destria èi de regarda li fru que soun eici forço berrugous (fotò). Coumpara emé la pimpinello que ié sèmblo proun.

Usanço :
Coume pèr sa cousino, li fueio aduson un bon goust de nose o de coumcoumbre à l'ensalado champanello. Ero proun acampado e de cop que i'a cultivado à passa tèms. La planto sarro li car e ajudo à la couagulacioun dóu sang. Sèr pèr sougna li plago e li bruladuro.

Port : Erbo
Taio : 8 à 80 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Poterium
Famiho : Rosaceae

Ordre : Rosales

Coulour de la flour : Roujo
Petalo : ges
Ø (o loungour) enflourejado : 6 à 20 mm
Flourido : Printèms - Estiéu

Sòu : Ca (Si)
Autour basso e auto : 0 à 600 m
Aparado : Noun
Remarco : Ensalado champanello
Abriéu à juliet

Liò : Garrigo - Tepiero seco - Champino
Estànci : Termoumediterran à Mesoumediterran
Couroulougi : Eurimediterrano
Ref. sc. : Poterium verrucosum Link ex G.Don, 1832 (= Sanguisorba verrucosa A. Braun, 1867 )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Limonium bellidifolium & Poterium verrucosum

ges

Coumpara Saladello(-di-fueio-de-margarideto) emé uno autro planto

Coumpara Pimpinello(-à-berrugo) emé uno autro planto